Әл-Фараби атындағы Қазақ мемлекеттік ұлттық университетін «Халықаралық қатынастар» мамандығы бойынша, Еуразия нарық институтын «Қаржы және кредит» мамандығы бойынша аяқтады. Сондай-ақ Вестминстер университетін, Лондонның дипломатиялық академиясында білім алған. Алматының банкілік оқыту орталығында «Құнды қағаздар мен бағалы металлдардың сауда-саттығы» мамандығы бойынша және Токиодағы Japan’s Economic Cooperation and OECF EBRD Training Program-да «экономика» мамандығы бойынша біліктілікті арттыру курстарынан өтті. Өзінің еңбек өтілін Данияр Амангильдин Қаскелендік мәдени ағарту училищесінде Қастеев атындағы ҚазКСР Мемлекеттік өнер мұражайының қор сақтау бөлімінде бастаған. Әр жылдары «Тексако Банк» ЖАҚ, «Мұнай-Импекс» ЭЖҚ» ЖШС, сондай-ақ «ҚазМұнайГаз» Сауда үйі» АҚ-да жетекші лауазымдарда жұмыс атқарды. Ағылшын және француз тілін меңгерген.